Na véspera de san Xoán, antes de que se meta o sol, hai que apaña-las herbas, que varían dependendo da zona. Na actualidade recóllense as herbas que máis arrecenden, o principal obxectivo é que a auga cheire ben cando se lave a cara no outro día á mañá, mesmo así, inda hai xente que as apaña todas seguindo o ritual antigo. Esta plantas non teñen porque ter un arrecendo demasiado forte, apañábanse porque son medicinais e usábanse despois secas en remedios.
O ritual di que a auga onde se boten as herbas de san Xoán ten que ser de sete fontes diferentes.
Para remedios tamén se utiliza a borralla da fogueira de san Xoán. No outro día á mañá recóllese a borralla, penéirase e gárdase nun bote para utilizar ó longo do ano. As persoas que a usan din que é boa para a tose dos animais. Pódeselle dar coa comida ou facer remedios con outros ingredientes.
O ritual di que a auga onde se boten as herbas de san Xoán ten que ser de sete fontes diferentes.
- Follas de cana de sete canavais diferentes.
- Follas e flores de limoeiro e de laranxeiro.
- Follas de figueira branca.
- Follas de viña branca.
- Pétalos de rosa.
- Silva macho, rosa brava (Rosa canina)
- Follas e flores de croque ou estralotes (Digitalis purpurea).
- Follas e flores de croque branco ou croquillo (Verbascum).
- Funcho, fiúncho, fiollo (Foeniculum vulgare)
- Tromentelo ou tromentelo do monte (Thymus)
- Macela (Matricaria recutita).
- Herba da Nosa Señora, herba madroa (Tanacetum parthenium)
- Menta
- Hortelán 'hortelá' (Mentha sativa)
- Mentrastos ou mentrastes (Mentha rotundifolia)
- Poexos (Mentha pulegium)
- Néboda (Satureja nepeta)
- Ruda
- Fenta en crus 'dentabrún' (Osmunda regalis)
- Carrascos mansos (Daboecia cantabrica)
- Carrascos bravos 'uz' (Erica australis..., Calluna vulgaris)
- Ouroghes 'ouregos' (Origanum vulgare)
- Herba luísa (Aloysia triphylla)
- Orxabán ou verxebán (Verbena officinalis)
- Orxabán bravo (Echium plantagineum)
- Romeu (Rosmarinus officinalis)
- Sarxa (Salvia officinalis)
- Lengua de ouvella 'lingua de ovella' (Plantago lanceolata)
- Té bravo ou herba do té (Bidens aurea)
- Boca de sapo
- Uña de gato
Para remedios tamén se utiliza a borralla da fogueira de san Xoán. No outro día á mañá recóllese a borralla, penéirase e gárdase nun bote para utilizar ó longo do ano. As persoas que a usan din que é boa para a tose dos animais. Pódeselle dar coa comida ou facer remedios con outros ingredientes.
Comentários
Enviar um comentário